Brugðið fæti fyrir uppbyggingu álvers

Sjálfstæðisfélag Húsavíkur og nágrennis segir að stjórnvöldum hafi nú tekist að koma í veg fyrir að Alcoa reisti álver á Bakka við Húsavík.

Í ályktun, sem samþykkt var á aðalfundi Sjálfstæðisfélags Húsavíkur og nágrennis, er harmað að íslensk stjórnvöld hafi brugðið fæti fyrir uppbyggingu álvers Alcoa  á Bakka og þannig stöðvað framgang stærstu einstöku atvinnuuppbyggingar á Norðurlandi frá upphafi.

„Sveitarfélög í Þingeyjarsýslum hafa í góðri samvinnu við Alcoa unnið að undirbúningi verkefnisins af heilindum síðast liðin 6 ár með það að markmiði að treysta grundvöll byggðar í Þingeyjarsýslum og snúa við neikvæðri atvinnu- og íbúaþróun síðustu áratuga. Á undanförnum  þremur árum hafa núverandi stjórnvöld gert nánast allt til að tefja framgang verkefnisins í þeim, sem virðist, eina tilgangi að fæla Alcoa frá. Nú er ljóst að það hefur tekist og hefur Alcoa sagt sig endanlega frá verkefninu," segir m.a. í ályktuninni.

Minnt er á sameiginlega viljayfirlýsingu sveitarfélaganna og núverandi stjórnvalda um að orkan í Þingeyjarsýslum skuli nýtt í héraði til frekari atvinnuuppbyggingar. „Þingeyingar munu ekki hvika frá þeirri kröfu, nú sem fyrr," segir síðan.

• 4 blogg um fréttina

Bloggað um fréttina

• Jón Ingi Cæsarsson: Póker sem ekki gekk upp.
• Jóhann Elíasson: ÞAÐ TÓKST - AÐ LOKUM..............................
• Haraldur Haraldsson: Brugðið fæti fyrir uppbyggingu álvers/það eru V.G. sem fá þetta …
• Jóhannes Laxdal Baldvinsson: Ábyrgðarlausar upphrópanir