Vill upplýsingar um ESB-fjárframlög
Vigdís Hauksdóttir, þingmaður Framsóknarflokksins.
mbl.is/Ómar
Setja bókamerki
Vigdís Hauksdóttir, þingmaður Framsóknarflokksins, hefur lagt fram fyrirspurn á Alþingi þar sem óskað er eftir upplýsingum um fjárframlag frá Evrópusambandinu í tengslum við umsókn Íslands um aðild að sambandinu sem kveðið er á um í fjárlagafrumvarpi ríkisstjórnarinnar vegna næsta árs.
Um er að ræða framlag að upphæð 596 milljónir króna en fyrirspurn Vigdísar er annars vegar beint til fjármálaráðherra, Steingríms J. Sigfússonar, og hins vegar Össurar Skarphéðinssonar, utanríkisráðherra.
Vill Vigdís fá upplýsingar um það hvernig ætlunin sé að ráðstafa umræddum fjármunum annars vegar og hins vegar í krafti hvaða lagastoðar í íslenskum lögum tekið verði við þeim.
„Börn heima sem maður myndi vilja hafa í skjóli“
„Þetta er ríkisstjórn almannahagsmuna“
„Tímabil aukinnar eldvirkni“
„Mér finnst gamla Samfylkingin komin aftur“
Forstjóri bendir á ábyrgð birgja vegna verðhækkana
Fyrsti blaðamannafundurinn í heild sinni
