Ísland hefur ekki farið verst út úr kreppunni
Setja bókamerki
Paul Krugman, nóbelsverðlaunahafi í hagfræði, segir í föstum dálki sínum í bandaríska blaðinu New York Times, að Ísland hafi alls ekki farið landa verst út úr fjármálakreppunni.
Krugman segist vera að að rannsaka stöðu Íslands áður en hann fari þangað í næstu viku en hann mun taka þátt í ráðstefnu, sem íslensk stjórnvöld og Alþjóðagjaldeyrissjóðurinn halda á fimmtudag um lærdóma af efnahagskreppunni og verkefnin framundan.
Hann segir að þegar umfang fjármálahrunsins varð ljóst hafi Ísland verið tekið sem dæmi um hvaða afleiðingar ábyrgðarleysi fjármálastofnana hafði í för með sér. En nú sé staðan hins vegar sú, að Íslendingar virðist standa betur en margar þeirra þjóða, sem urðu verst úti í hruninu.
Aðalástæðan sé sú, að Íslendingar neituðu að axla ábyrgð á þeim skuldum, sem bankamenn höfðu hlaðið upp. Einnig hafi Íslendingar getað látið gengi krónunnar lækka mikið og þannig fengið forskot á þær þjóðir, sem annaðhvort voru með evru eða tengdu gjaldmiðla sína við þá mynt.
Þessi ríki hafi orðið fyrir því, að gjaldeyrir hætti skyndilega að flæða inn í löndin.
Gosið gæti varað lengur: Meiri fyrirstaða í gosrásinni
Hraun fór yfir Grindavíkurveg
Mjög alvarlegt ef Njarðvíkuræð gefur sig
Beint: Eldgos hafið við Stóra-Skógfell
Sparnaður heimila vex meira en áður var talið
Óttast að fólk fari aftur að eyða peningum
Borgin verður af milljörðum eftir dóm Hæstaréttar