Ísland í úrslit á HM í brids

Ísland tryggði sér nú síðdegis sæti í átta liða úrslitum heimsmeistaramótsins í brids, sem haldið er í Veldhoven í Hollandi. Íslenska liðið tapaði síðasta leiknum í undankeppninni fyrir B-sveit Bandaríkjanna 12:18 en endaði í 8. sæti. Ísland mætir Hollandi í átta liða úrslitunum, sem hefjast á morgun.

Mikil spenna ríkti nánast til síðasta spils í 21. og síðustu umferð í undankeppni mótsins en afar litlu munaði fyrir umferðina á þeim liðum, sem voru í sætum 4 til 12. Lokastaðan varð síðan þessi:

1. Ítalía 409 stig
2. Holland 390 stig
3. Bandaríkin 2 372 stig
4. Ísrael 340,3 stig
5. Bandaríkin 1 340,5 stig
6. Svíþjóð 335 stig
7. Kína 334,5 stig
8. Ísland 333,5 stig
9. Japan 328 stig
10. Nýja-Sjáland 325 stig.

Alls kepptu 22 þjóðir í undankeppninni. Á morgun hefjast átta liða úrslitin. Hollendingar hefja leik með 14 IMP-stiga forskot en þeir unnu Ísland í undankeppninni.

• 2 blogg um fréttina

Bloggað um fréttina

• Gísli Foster Hjartarson: Snilldin ein
• Axel Jóhann Hallgrímsson: Já, já, já - Bemmmmmmrúúúdaskál!