Kosning til flokksstjórnar ógilt

Kjörstjórn landsfundar Samfylkingarinnar hefur úrskurðað kosningu til flokksstjórnar sem fram fór á fundinum ógilda vegna tæknilegra ágalla á framkvæmd. Komu ágallarnir fram við talningu, að því er fram kemur á vef Samfylkingarinnar.

Kjörstjórn hefur ákveðið að kosningin til flokksstjórnar verði endurtekin. Þeir einir munu hafa atkvæðisrétt sem kusu á landsfundinum og þeir sömu verða í kjöri og áður.

Leggur kjörstjórn það fyrir framkvæmdastjórn Samfylkingarinnar að sú kosning verði framkvæmd með skriflegum hætti í póstkosningu.

Kjósa á 30 fulltrúa í flokksstjórn. Ekki var búið að tilkynna um úrslit.

Allar aðrar kosningar á landsfundinum standa óhaggaðar, þar á meðal kosning stjórnar flokksins og flokksráðs þar sem Margrét K. Sverrisdóttir fékk flest atkvæði.

• 5 blogg um fréttina

Bloggað um fréttina

• G. Tómas Gunnarsson: Er ekki óþarfi að vera að kjósa aftur?
• Gunnar Th. Gunnarsson: Hvað er eiginlega með Samfó og kosningar?
• Viggó Jörgensson: Og bjóðast svo til að stjórna landinu.
• Guðmundur Ásgeirsson: Kosningaklúður Samfylkingarinnar
• Haraldur Hansson: Kratar látnir kjósa aftur