Harma slys við Dalveg

Íslenska Gámafélagið ehf. og Sorpa bs. hafa sent frá sér yfirlýsingu þar sem fyrirtækin   harma alvarlegt umferðarslys sem varð sl. miðvikudag utan við endurvinnslustöð Sorpu við Dalveg í Kópavogi. Þar lentu gámaflutningabíll og maður á reiðhjóli í árekstri.

„Bæði fyrirtækin taka þessu hörmulega atviki alvarlega og hafa brugðist við með því að fara yfir allt verklag, öryggi og aðstöðu, hvort hjá sér, í því skyni að auka öryggi og koma í veg fyrir slys.

Rannsókn slyssins er í höndum lögreglu höfuðborgarsvæðisins og fyrirtækin vinna einhuga með henni í að upplýsa málið að því marki sem þeim er unnt. 

Hugur og hjarta starfsfólks okkar í þessum dapurlegu aðstæðum er hjá hinum slasaða og fjölskyldu hans," segir í yfirlýsingunni.

• 1 blogg um fréttina

Bloggað um fréttina

• Ómar Ragnarsson: Athyglisverð atvik fyrir 15 og 20 árum.