„Skylda mín að tjá mig“

Helgi Hjörvar segir að það hafi verið skylda sín að tjá sig um ráðningu Páls Magnússonar í starf forstjóra Bankasýslu ríkisins. Hann segir ráðninguna hafa verið alvarleg mistök í fjármálakerfinu á Íslandi.

Þetta sagði Helgi í samtali við fréttastofu RÚV í morgun. Þar segir hann að stjórn Bankasýslu ríkisins hafi verið frjálst að biðjast lausnar, eftir að deilur risu um þá ákvörðun að ráða Pál Magnússon í starf forstjóra stofnunarinnar. „Eftir stendur að fjármálaráðherra hefur það krefjandi verkefni að reyna að endurreisa trúverðugleika þessarar stofnunar,“ segir Helgi.

Helgi segir ljóst að Bankasýsla ríkisins hafi misst trúverðugleika og að vandinn fælist í því. „Auk þess hefur stærsti stjórnarandstöðuflokkurinn viljað leggja hana niður og hún beðið ákveðinn álitshnekki hjá mörgum í stjórnarliðinu.“

Frétt RÚV

• 3 blogg um fréttina

Bloggað um fréttina

• Þorsteinn J Þorsteinsson: Traust en hvad med truverduleika
• Óðinn Þórisson: Helgi Hjövar
• Kristinn Karl Brynjarsson: Afskiptin sem ekki voru og verða ekki gerð opinber.