Valt á hliðina á Háteigsvegi

Ökumaður missti stjórn á bíl sínum á gatnamótum Lönguhlíðar og Háteigsvegar í kvöld og velti bílnum. Hann er grunaður um ölvun við akstur.

Óhappið varð upp úr klukkan hálfníu í kvöld. Jepplingur sem maðurinn ók lenti utan í tveimur kyrrstæðum bílum áður en hann hafnaði á hliðinni. Slökkvilið höfuðborgarsvæðisins sendi sjúkrabíl og dælubíl á staðinn. Maðurinn reyndist óslasaður en lögreglan tók hann í sína vörslu. Hann verður yfirheyrður í fyrramálið.

• 1 blogg um fréttina

Bloggað um fréttina

• Camel: Að aka fullur