Harma ummæli um Pál

Allir bæjarfulltrúar Kópavogsbæjar skrifa undir bókun ásamt bæjarstjóra þar sem hörmuð er sú umræða sem átti sér stað í kjölfar ráðningar Páls Magnússonar í starf forstjóra Bankasýslu ríkisins. Jafnframt var samþykkt einróma að hann gegni áfram starfi bæjarritara í Kópavogi.

Bæjarstjórn Kópavogs samþykkti einróma á fundi sínum síðdegis í gær erindi frá Páli Magnússyni þar sem hann óskar eftir að draga uppsögn sína á starfi bæjarritara, frá 30. september, til baka.

 Jafnframt var lögð fram sameiginleg bókun af öllum bæjarfulltrúum ásamt bæjarstjóra þar sem hörmuð er sú umræða sem átti sér stað í kjölfar ráðningar Páls Magnússonar í starf forstjóra Bankasýslu ríkisins. Þar hefði persóna hans og störf verið dregin fram og því snúið á versta veg. „Bæjarstjórn ber traust til starfsmanns síns og veit að hann mun starfa fyrir bæjarfélagið af heilindum hér eftir sem hingað til.“

• 2 blogg um fréttina

Bloggað um fréttina

• Þorsteinn H. Gunnarsson: Furðuleg samþykkt
• Sigurður Þorsteinsson: Er hann rétti aðillinn til þess að meta vanhæfi?