Harka hlaupin í innheimtuaðgerðir

Hagsmunasamtök heimilanna hafa sent Fjármálaeftirlitinu erindi þar sem óskað er eftir leiðbeinandi tilmælum til fjármálastofnanna vegna vörslusviptinga. Samtökin segja að mikil harka sé hlaupin í innheimtuaðgerðir fjármögnunarfyrirtækjanna og mikið hafi verið kvartað undan fyrirtækjunum.

Í erindinu segir að samtökin telja FME geta slegið á aðgerðir fjármögnunarfyrirtækjanna með leiðbeinandi tilmælum. Aðgerðir fyrirtækjanna byggi oft á tíðum á hótunum um vörslusviptingu eða hreinlega að taka bifreiðar af eigendum eða umráðamönnum þeirra. „Báðar þessar aðgerðir eru í andstöðu við ákvæði hegningarlaga. Sé vikið fyrst að hótuninni þá eru starfsmenn fyrirtækisins Vörslusviptingar meðal annars fengnir til að hringja beint í lántakendur með þau skilaboð að ef ekki verði greitt þá verði bíllinn tekinn. Þetta er bein hótun og sem slík er sú aðgerð ein og sér í andstöðu við. 233. gr. alm. hegningarlaga.“

• 3 blogg um fréttina

Bloggað um fréttina

• Haraldur Haraldsson: Harka hlaupin í innheimtuaðgerðir/hár rétta að taka á þessu!! en …
• Vilhjálmur Bjarnason Ekki fjárfestir: Hvar er FÍB, félag íslenskra bifreiðaeigenda
• BJÖRK : Skjaldborg heimilanna saknað síðan fyrir kosningar