Sauðaþjófnaður upplýstur

Tilkynnt var til lögreglunnar í Borgarfirði og Dölum sl. þriðjudag að grunur léki á því að hrútlamb, sem stolið hefði verið í Skorradal fyrr í haust, væri að finna í girðingu rétt utan við Akranes.

Lambið væri blóðugt um haus og héldi sig frá öðru fé í girðingunni.  Fór lögreglan á staðinn og kom þá í ljós að nýlega var búið að endurmarka lambið. Fróðir menn töldu sig þekkja gamla markið þar undir sem tilheyrði réttum eiganda, segir í frétt á vef Skessuhorns.

Tómstundabóndinn sem sagður var eiga féð í girðingunni gat aðspurður ekki gefið haldbærar skýringar á tilkomu endurmarkaða lambsins.  Talið er harla ólíklegt að lambið hafi verið tekið í misgripum en málið er til frekari rannsóknar hjá lögreglu.

• 2 blogg um fréttina

Bloggað um fréttina

• Ólafur Ragnarsson: "þjóðlegir siðir"
• Guðni Karl Harðarson: Ísland og framtíðin