Áætlun breytt vegna slæms veðurs

Vegna versnandi veðurs hefur nú verið ákveðið að togskipið Hoffell, með flutningaskipið Alma í togi haldi inn á Fáskrúðsfjörð og er áætlað að skipin verði þar við bryggju um kl. 01:00 í nótt.

Hafsögubátur frá Reyðarfirði mun verða þeim til aðstoðar. Samkvæmt aðalvarðstjóra í stjórnstöð Landhelgisgæslunnar var ákvörðunin tekin þar sem að um styttri siglingaleið er að ræða og um minni áhættu að ræða.

Eins og áður hefur komið fram eru eru varðskip og þyrlur Landhelgisgæslunnar enn í viðbragðsstöðu og stýrimaður Landhelgisgæslunnar er um borð í Alma þeim til aðstoðar.

mbl.is/Sverrir Aðalsteinsson/Marine Traffic

• 1 blogg um fréttina

Bloggað um fréttina

• Gunnlaugur I.: Auðvitað fer Hoffellið með stýrislausa Kýpverska Stór-hafskipið Ölmu til heimahafnar …