Framkvæmdin sjálfbær

Fjármálaráðuneytið telur að nýir útreikningar stjórnar Vaðlaheiðarganga hf. á forsendum Vaðlaheiðarganga standist og að framkvæmdin verði sjálfbær. Steingrímur J. Sigfússon fjármálaráðherra situr fyrir svörum á opnum fundi umhverfis- og samgöngunefndar um Vaðlaheiðargöng.

„Við teljum að þessar forsendur séu eins traustar og getur verið,“ sagði Steingrímur. Tók hann fram að hann teldi spár um umferðaraukningu varfærnar. Þannig væri ekki tekið tillit til væntanlegra stórframkvæmda í Þingeyjarsýslu. Þá sagði hann að reynsla frá öðrum göngum sýndi aukningu.

„Af hálfu fjármálaráðuneytisins, sjáum við ekkert því til fyrirstöðu að ljúka fjármögnunarsamningi þannig að hægt sé að ganga til viðræðna við tilboðsgjafa,“ sagði ráðherra.

Sagði hann að óskað verði eftir því í væntanlegum fjáraukalögum að taka mætti tillit til niðurstöðu útboðs á framkvæmdunum. Vonandi yrði hægt að klára þetta á næstu vikum.

• 7 blogg um fréttina

Bloggað um fréttina

• Sigurður Hrellir: Alvarlegur lýðræðishalli
• Sigurður Haraldsson: HA?
• Jón Ingi Cæsarsson: Í umboði hverra talar formaður F.Í.B. ?
• Benedikt V. Warén: Þar sem háir hólar, - hálfan þingmann fylla.
• Jón Snæbjörnsson: Satt og logið sitt á hvað ........................
• Sigurður Jónsson: Hvað kom fyrir Steingrím J.? Hann sagði já.
• Haraldur Haraldsson: Framkvæmdin sjálfbær/þetta er ekki rétt als ekki,það þarf að borga …