Hagsmunir þjóðar í fyrirrúmi

„Mitt markmið er að halda sem best á hagsmunum Íslendinga í þessum efnum,“ segir Jón Bjarnason, sjávarútvegs- og landbúnaðarráðherra, á opnum sameiginlegum fundi atvinnuveganefndar og utanríkisnefndar á Alþingi í dag.

Fundarefnið var staða viðræðna um aðild Íslands að Evrópusambandinu er varðar samningskafla um sjávarútvegs- og landbúnaðarmál.

Jón sagði tollvernd, þegar kemur að landbúnaði, vera mjög mikilvægt atriði en slíkt er að hans mati hluti af fæðu- og matvælaöryggi þjóðarinnar. „Fram hjá því verður ekki horft, einhver einhliða eftirgjöf í tollvernd er ekki liður í þeim heildarhagsmunum sem okkur ber að verja.“

Segir hann aðildarviðræður við Evrópusambandið ekki eiga að sæta flýtimeðferð og komi til samninga sé þeim náð á forsendum Íslendinga en ekki einvörðungu með hagsmuni Evrópusambandsins í huga. 

„Okkur ber að standa vörð um hagsmuni Íslendinga.“

• 2 blogg um fréttina

Bloggað um fréttina

• Óðinn Þórisson: Jón Bjarnason
• Gunnlaugur I.: Auðvitað eiga hagsmunir þjóðarinnar að vera í fyrirrúmi. En ekki …