Fagna framboði Hönnu Birnu

Stjórn Kvenréttindafélags Íslands fagnar því að fyrsta konan skuli hafa gefið kost á sér sem formaður í rúmlega 80 ára sögu Sjálfstæðisflokksins. Þetta kemur fram í ályktun stjórnarinnar.

„Kvenréttindafélag Íslands var stofnað árið 1907 á heimili Bríetar Bjarnhéðinsdóttur og hefur félagið frá upphafi beitt sér fyrir því að íslenskar konur fengju fullt stjórnmálajafnrétti á við karlmenn.

Þó að mörgum af upphaflegum stefnumálum Kvenréttindafélagsins hafi verið náð, hallar enn talsvert á konur í íslenskum stjórnmálum. Er það von Kvenréttindafélagsins að með fjölgun kvenna í forystusveit stjórnmálaflokkanna færist samfélagið nær því að byggja jafnrétti kynjanna í reynd.

Í ljósi þess hvetur stjórn félagsins konur í öllum stjórnmálaflokkum til að hvetja hverja aðra og styðja í sókn til aukinna áhrifa á vettvangi stjórnmálaflokkanna. Einnig hvetjum við flokksbræður þeirra til að leggja sitt af mörkum svo að Ísland verði áfram í fararbroddi í jafnréttismálum innan alþjóðasamfélagsins."

• 2 blogg um fréttina

Bloggað um fréttina

• Sigurður Þorsteinsson: Landsamband sjálfstæðiskarla styður Bjarna!
• Haraldur Haraldsson: Fagna framboði Hönnu Birnu/það er skoðun margara en ekki allra;Hanna …