Vilja Hönnu Birnu sem forsætisráðherra
Setja bókamerki
Hanna Birna Kristjánsdóttir ber af öðrum stjórnmálamönnum í nýrri könnun, þar sem spurt er hverjum fólk treysti best til að gegna embætti forsætisráðherra.
Alls sögðust 27,6% aðspurðra treysta Hönnu Birnu best, en næst á eftir henni kemur Bjarni Benediktsson með 14,3% fylgi. Þetta kemur fram í könnun sem birt er í Viðskiptablaðinu í dag.
12,5% aðspurðra segjast treysta Jóhönnu Sigurðardóttur, sitjandi forsætisráðherra, best í forsætisráðherraembættið, en samflokksmaður hennar, Guðbjartur Hannesson velferðarráðherra er með 12,7% fylgi. Enginn munur er á fylgi við Steingrím J. Sigfússon fjármálaráðherra og Katrínu Jakobsdóttur menntamálaráðherra en þau mælast bæði með 11,3% fylgi.
Þá mælist Sigmundur Davíð Gunnlaugsson, formaður Framsóknarflokksins, með 10,4% fylgi.
Könnunin var unnin af MMR fyrir Viðskiptablaðið.
Spá illviðri víða um land á morgun
Hálfgerð martröð fyrir kosningastjóra
„Mjög bagalegt“ að klára ekki málið
Lýsa yfir stuðningi við kennara
Nota ekki jólaljós til að níðast á fólki
Neyðarástand kalli á tafarlaus viðbrögð
Vatni hleypt aftur á Flateyri