Merki í bæði eyru

Bændur hafa verið skyldaðir til að setja eyrnamerki í bæði eyru nautgripa sem fæddir eru eftir 1. nóvember sl. Týni eldri gripir merki skulu þeir og endurmerktir með merkjum í bæði eyru.

Búnaðarsamband Suðurlands vekur athygli bænda á þessu.

Nýju reglurnar eru samkvæmt reglugerð sem sett var til að fullnægja Evrópureglum um að koma á kerfi fyrir auðkenningu og skráningu nautgripa og um merkingar nautakjöts og nautakjötsafurða.

Búnaðarsambandið gagnrýnir undirbúning að upptöku kerfisins. Matvælastofnun hafi ekki komið upplýsingum um þessar nýju reglur á framfæri með áberandi hætti né heldur hafi pantanakerfi MARK verið uppfært þannig að hægt sé að panta annað sett við áður pöntuð og ónotuð merki.

• 1 blogg um fréttina

Bloggað um fréttina

• Guðrún María Óskarsdóttir.: Hvar eru dýraverndunarsamtök ?