Þrennt bjargaði Íslendingum

Davíð Odds­son, rit­stjóri Morg­un­blaðsins og fyrr­ver­andi formaður Sjálf­stæðis­flokks­ins, ávarpaði lands­fund Sjálf­stæðis­flokks­ins og sagði að þrennt réði því að Íslend­ing­ar séu ekki í sömu vand­ræðum og t.d. evru­lönd­in.

Þetta væri, að Íslend­ing­ar hefðu  búið í hag­inn fyr­ir sig greitt niður op­in­ber­ar skuld­ir í stór­um stíl eft­ir 1995. Íslend­ing­ar hefðu kom­ist að þeirri niður­stöðu sam­stund­is eft­ir banka­hrunið að þeim bæri ekki að greiða skuld­ir óreiðumanna og Íslend­ing­ar höfðu sína eig­in mynt. 

En tæki­fær­inu, sem gafst til að kom­ast hratt og vel áfram eftir­köst banka­hruns­ins hefði verið glutrað þegar nú­ver­andi stjórn­völd­um skolaði inn í stjórn­ar­ráðið við bumbuslátt búsáhalda. Þess vegna færi nú fram eigna­upp­taka í land­inu og þess vegna fari tæki­fær­in for­görðum. Þess vegna hefðu lof­orð eins og skjald­borg og nor­ræn vel­ferð orðið að al­menn­um háðsyrðum í ís­lensku máli.

„Rík­is­stjórn­in lofaði há­stöf­um að tryggja nor­ræna vel­ferð. Og hvaða kosti býður hún upp á til að tryggja nor­ræna vel­ferð? Jú þá, að þeir sem vilja vel­ferð geta flutt út með Nor­rænu," sagði Davíð.

Davíð sagði að Íslend­ing­ar ættu það inni, að ná sér í strik. Það mætti ekki varna þeim veg­ar og leggja steina í göt­una en það yrði að varpa af þeim klafa, sem lagður hefði verið að óþörfu.

Sjálf­stæðis­menn ættu á lands­fund­in­um að heita því að gera allt sem þeir mættu til að veita lands­mönn­um tæki­færi.

Keppt í pylsu­áti

Davíð sagði m.a. í ræðu sinni að á lands­fundi Vinstri grænna ný­lega hefðu aðeins verið tvö atriði á skemmti­dag­skrá fund­ar­ins. Fyrst hafi verið keppt í pylsu­áti og þar áttu menn að keppa í að éta ofan í sig. „Árni Þór Sig­urðsson vann," sagði Davíð.

„Svo var Stein­grím­ur J. Sig­fús­son lát­inn segja satt í sam­fellt tvær mín­út­ur og sá vann sem sein­ast leið yfir á fund­in­um. Björn Val­ur Gísla­son vann."

Frá lands­fundi Sjálf­stæðis­flokkss­ins í Laug­ar­dals­höll.

• 14 blogg um frétt­ina

Bloggað um frétt­ina

• Ólaf­ur Örn Jóns­son: TRÚÐUR­INN
• Óskar: Van­hæf­asti seðlabanka­stjóri allra tíma reit­ir af sér 5aura­brand­ara
• Hörður B Hjart­ar­son: Herra Hrun­kon­ung­ur .
• Gunn­ar Th. Gunn­ars­son: Ræða Davíðs á youtu­be
• Óðinn Þóris­son: Davíð Odds­son
• Svan­ur Gísli Þorkels­son: Að elska að hata Davíð
• Stefán Óli Sæ­björns­son: Drep fyndið
• Guðrún María Óskars­dótt­ir.: Og enn ær­ast vinstri menn við að sjá Davíð.
• Marinó G. Njáls­son: Halelúja sam­kunda með eng­in tengsl við raun­veru­leik­ann
• Gísli Foster Hjart­ar­son: Davíð á tán­um!
• Jón Ingi Cæs­ars­son: Guðfaðir hruns­ins vann fimm­aura­brand­ara­keppn­ina.
• Þor­steinn H. Gunn­ars­son: Hálf­tóm­ur sal­ur á jóla­skemmt­un Sjálf­stæðis­flokks­ins
• Úrsúla Jü­nem­ann: Davíð, mér verður óglatt!
• Sig­ríður Sig­urðardótt­ir: Útvarp Matt­hild­ur gengið aft­ur?