Slá af flug til New York

„Flugið til New York gengur ekki upp eins og staðan er núna. Því verðum við að endurskoða mál,“ segir Heimir Már Pétursson, talsmaður Iceland Express. Flugfélagið hefur aflýst ferð þangað á morgun og áframhaldandi flug til þessa áfangastaðar er í endurskoðun.　

Til stóð að Iceland Express flygi til New York fram til 9. janúar og svo yrði þráðurinn tekinn aftur upp í lok mars. Nú er verið að endurskoða þau plön.

Þeim farþegum sem áttu bókað far með Iceland Express til New York á morgun verður útvegað far með öðrum flugfélögum.

„Verð farmiða ræðst af mörgum samverkandi þáttum; svo sem gengi gjaldmiðla, flugvélategundum og svo framvegis. Og hvað áhrærir flugið til New York þá getum við sem lággjaldaflugfélag ekki hækkað verð á farmiðum til Evrópu til að bera Bandaríkjaflugið uppi,“ segir Heimir Már.

• 1 blogg um fréttina

Bloggað um fréttina

• Haraldur Haraldsson: Slá af flug til New York//// Er samkeppnin að bila????????