Mikil umferð þrátt fyrir viðvörun

Lögreglan á Selfossi fékk tilkynningu á tíunda tímanum í morgun um að hestakerra hefði fokið utan í bíl á Hellisheiði, en þar er nú mjög hvasst og hált og hefur Vegagerðin varað við umferð á svæðinu.

Engin slys urðu á fólki við fok kerrunnar. Að sögn vegfaranda sem er á ferð um heiðina er þar mikil umferð og ekki að sjá að viðvaranir Vegagerðarinnar hafi haft mikil áhrif. Lögreglan á Selfossi segir að slíkar viðvaranir hafi ekki mikil áhrif, umferð minnki í mesta lagi um 1-2%.

Selfosslögreglunni hafa borist tilkynningar um fjölda ýmiss konar umferðaróhappa, en engin slys munu hafa orðið á fólki.

• 2 blogg um fréttina

Bloggað um fréttina

• Jón Snæbjörnsson: Að réttlæta "forgangsverkefnið" Vaðlaheiðagöng" .. mér er spurn !
• Einar Sveinbjörnsson: V-áttin getur verið viðsjárverð