Skrifuðu meðmælabréf fyrir Björgólf

Sendiherra Íslands í Moskvu og Íslandsbanki sendu árið 1995 meðmælabréf sem Björgólfur Guðmundsson kaupsýslumaður notaði til að komast inn í rússneskt viðskiptalíf. Þetta kom fram í Kastljósi í kvöld.

Björgólfur var á þessum tími að eignast Baltic-gosdrykkjaverksmiðjuna í Rússlandi, en Ingimar Ingimarsson hefur sakað Björgólf um að hafa falsað pappíra til að komast yfir verksmiðjuna.

Sendiherra Íslands í Moskvu skrifaði bréf þar sem afskipti Björgólfs af íslensku viðskiptalífi voru rakin, en ekkert er þar þó minnst á svokallað Hafskipsmál. Íslandsbanki skrifaði ennfremur bréf þar sem segir að Björgólfur hafi verið skilvís viðskiptavinur bankans í mörg ár. Í Kastljósi sagði að á þessum tíma hefði Íslandsbanki höfðað mál gegn Björgólfi vegna ógreiddrar skuldar, en því máli tapaði bankinn. Útvegsbankinn, einn af forverum Íslandsbanka, varð einnig fyrir tapi vegna Hafskips.

• 1 blogg um fréttina

Bloggað um fréttina

• Haraldur Haraldsson: Skrifuðu meðmælabréf fyrir Björgólf/"upp komst svik um síðir "segir máltækið"