Loka heilsugæslunni á Hellu

Heilbrigðisstofnun Suðurlands hefur ákveðið að sameina heilsugæsluþjónustu í Rangárþingi. Þetta felur í sér að heilsugæslustöðinni á Hellu verður lokað. Stofnunin þarf að minnka útgjöld um 5,5% á næsta ári eða um 120 milljónir.

Um 10 kílómetrar eru á milli Hellu og Hvolsvallar. Í fréttatilkynningu segir að mikil fagleg rök séu fyrir því að sameina þjónustuna á einum stað, sérstaklega þar sem ekki hafi tekist að ráða í eina stöðu læknis. Heilsugæsluþjónustan verður rekin frá heilsugæslustöðinni á Hvolsvelli og verði hún sérstakur stuðningsaðili við heilsugæslustöðvarnar í Vík og á Kirkjubæjarklaustri.

Gripið verður til fjölbreyttra aðgerða til að ná niður kostnaði. Selja á vaktíbúð á Selfossi og selja stóra læknisbústaði á Hellu og Kirkjubæjarklaustri. Breyta á vaktafyrirkomulagi og ræstingaþjónusta verður endurskipulögð. Auka á samþættingu heilsugæsluþjónustu í V-Skaftafellssýslu. Endurskipuleggja og hagræða á í sjúkraflutningum og fleira.

Sparnaðaraðgerðir á HSu

• 3 blogg um fréttina

Bloggað um fréttina

• Örvar Már Marteinsson: En fjölga í einhverju ráðuneytinu á móti...
• Ómar Ragnarsson: Vafasamt í upphafi.
• Njörður Helgason: Þörf starfsemi.