Ráðin framkvæmdastýra Evrópustofu
Setja bókamerki
Birna Þórarinsdóttir stjórnmálafræðingur hefur verið ráðin framkvæmdastýra Evrópustofu – upplýsingamiðstöðvar ESB, sem opnuð verður eftir áramótin. Markmið Evrópustofu er að veita hlutlægar upplýsingar og auka umræðu, þekkingu og skilning á eðli og starfsemi ESB.
Birna var yfirmaður verkefnaskrifstofu UNIFEM (nú UN Women) í Serbíu og Svartfjallalandi 2008-2010 og framkvæmdastýra landsnefndar UNIFEM á Íslandi 2004-2006. Hún hefur starfað sem ráðgjafi og þjálfari fyrir utanríkisráðuneytið og Öryggis- og samvinnustofnun Evrópu (ÖSE) í jafnréttismálum. Þá hefur Birna kennt við bæði Háskóla Íslands og Háskólann á Bifröst.
Birna er með BA-gráðu í stjórnmálafræði frá Háskóla Íslands og MA-gráðu í alþjóðlegum öryggismálafræðum frá Georgetown University í Bandaríkjunum.
Evrópustofa verður rekin af Athygli ehf. og þýska almannatengslafyrirtækinu Media Consulta. Starfsemi stofunnar er fjármögnuð af Evrópusambandinu.
Barn lést í árásinni
Bein útsending: Ríkisstjórnarsamstarfið kynnt
Lát hjóna í Neskaupstað: Ákæra gefin út
Stóðu skógarþjófa að verki
„Óviðunandi eftirlit með börnum“
Helgi Magnús mætir til starfa í dag