Gylfi hækkaði launin en ekki Árni Páll

Það var Gylfi Magnússon, fyrrverandi efnahags- og viðskiptaráðherra, en ekki Árni Páll Árnason eftirmaður hans, sem tók ákvörðun um hækkun launa vegna setu í stjórn Fjármálaeftirlitsins.

Fyrr í dag kom fram í frétt á mbl.is að kostnaður vegna launa þeirra sem sitja í stjórn Fjármálaeftirlitsins hefði verið hækkaður um 77% eða úr 13,5 milljónum í 24 milljónir. Samkvæmt upplýsingum frá Fjármálaeftirlitinu var ákvörðunin tekin 1. september 2010,  degi áður en Árni Páll tók við embætti efnahags- og viðskiptaráðherra. Hækkunin gilti frá 1. apríl það ár.

Bæði aðal- og varamenn í stjórn FME fá greidd stjórnarlaun. Launin skiptast því milli sex manna en ekki þeirra þriggja sem sitja í aðalstjórn.

Upplýsingar um hækkunina komu fram í greinargerð með frumvarpi sem Árni Páll lagði fram á Alþingi í dag.

77% hækkun

• 3 blogg um fréttina

Bloggað um fréttina

• Einar Guðjónsson: Ríkissjóður skafinn að innan fyrir Renda
• Guðrún María Óskarsdóttir.: Hvaðan hafði Gylfi heimild til þessarra launahækkanna ?
• Kristinn Karl Brynjarsson: Pólitíska ábyrgðin hjá forsætisráðherra.