„Við erum búin að hafa samband við Nubo og bjóða honum að fara með honum í gegnum fjárfestingaumhverfið á Íslandi,“ segir Katrín Júlíusdóttir iðnaðarráðherra í Morgunblaðinu í dag.

„Við töldum að hann hefði farið ansi torvelda leið með því að ætla að fara í jarðakaup sem eru samkvæmt lögum ekki heimiluð. En það eru aðrar leiðir sem eru heimilaðar enda eru erlendar fjárfestingar ekki lokaðar á Íslandi, nema í ákveðnum geirum sem eru orkugeirinn, sjávarútvegurinn og síðan jarðakaup,“ segir Katrín.

Katrín segir að Fjárfestingastofa sjái um slík samskipti fyrir ríkisvaldið en slíkar ráðgjafarstofur um fjárfestingar starfi hjá öllum ríkjum heims. Telur Katrín að það hafi einfaldlega verið eðlilegt að bjóða honum þessa þjónustu. Segir ráðherra að Nubo hafi ekki sóst eftir því að tala við hana persónulega en að hún muni ekki neita að hitta hann ef þess verður óskað.

Tengdar fréttir

Jarðakaup

Frumvarp um takmarkanir á landareign

• Vilja að jarðakaup verði leyfisskyld
• Segir markmiðið vera náttúruvernd
• Vilja frekari hömlur á jarðakaup
• Keyptu veiðijarðir við Búðardalsá

» Fleiri tengdar fréttir