50 milljónir fyrir 247 ferðir

Á fyrstu níu mánuðum þessa árs var farið í 247 utanlandsferðir á vegum efnahags- og viðskiptaráðuneytisins og stofnana þess. Heildarkostnaðurinn nemur tæpum 50 milljónum kr.

Þetta kemur fram í svari efnahags- og viðskiptaráðherra við fyrirspurn Ásmundar Einars Daðasonar, þingmanns Framsóknarflokksins.

Alls var farið í 48 ferðir frá janúar til september á vegum ráðuneytisins og nemur heildarkostnaðurinn 16,8 milljónum kr.

Farið var í 20 ferðir á vegum Einkaleyfastofu og nam kostnaðurinn 3,7 milljónum kr. Frádreginn er kostnaður vegna ferða sem eru að fullu endurgreiddar af EPO, WIPO, OHIM, EA.

Á vegum Samkeppniseftirlitsins var farið í 18 ferðir og nam kostnaðurinn 5,4 milljónum kr.

Farið var í 75 ferðir á vegum Hagstofu Íslands og nam kostnaðurinn 6,3 milljónum kr. Frádregnir eru styrkir Evrópusambandsins vegna funda/námskeiða/námsferða og Taiex-styrkur

Fjármálaeftirlitið fór í 86 ferðir og hljóðar kostnaðurinn upp á 17,4 milljónir kr.

Fyrirspurn Ásmundar var svohljóðandi:

1. Hversu margar utanlandsferðir voru farnar á vegum ráðuneytisins og stofnana þess fyrstu níu mánuði þessa árs? Til hvaða lands eða landa var farið og í hvaða erindum?
   
   
2. Hver var heildarkostnaður ráðuneytisins og stofnana þess vegna fargjalda og greiddra dagpeninga fyrstu níu mánuði ársins, sundurliðað eftir ráðuneyti og stofnunum?

Svar ráðuneytisins.

• 1 blogg um fréttina

Bloggað um fréttina

• Haraldur Haraldsson: 50 milljónir fyrir 247 ferðir////Bruðlið burt kannast nokkur við það …