Símaskráin fjarlægð úr verslunum

Ákveðið hef­ur verið að fjar­lægja Síma­skrána 2011 úr versl­un­um Sím­ans, en skrá­in hef­ur verið geymd í sér­stök­um stönd­um í versl­un­un­um. Eg­ill Ein­ars­son, sem er einnig þekkt­ur sem Gillz, prýðir forsíðuna. Hann og unn­usta voru ný­verið kærð til lög­reglu fyr­ir að nauðga 18 ára gam­alli stúlku.

Sig­ríður Mar­grét Odds­dótt­ir, for­stjóri Já, seg­ir að síma­skrá­in sé ekki í virkri dreif­ingu, en henni er fyrst og fremst dreift á vor­in og á sumr­in.

„En í ljósi þessa máls þá höf­um við ákveðið að taka til hliðar síma­skrárst­anda sem hafa verið í nokkr­um Síma­versl­un­um,“ seg­ir Sig­ríður og bæt­ir við að þetta sé gert af virðingu við alla hlutaðeig­andi.

„Við erum sleg­in yfir þess­um frétt­um. Við telj­um að þetta mál sé harm­leik­ur fyr­ir alla þá aðila sem málið varðar,“ seg­ir Sig­ríður í sam­tali við mbl.is. Menn verði að treysta því að málið fái rétt­láta meðferð fyr­ir dóm­stól­um.

Líkt og fram hef­ur komið neit­ar Eg­ill sök og hef­ur hann falið lög­manni sín­um að kæra stúlk­una fyr­ir rang­ar sak­argift­ir.

• 3 blogg um frétt­ina

Bloggað um frétt­ina

• Har­ald­ur Har­alds­son: Síma­skrá­in fjar­lægð úr versl­un­um///Þ​essu máli verður að flíta það best …
• BJÖRK : Gillz þarf loks­ins að 'feisa' eig­in gjörðir
• Stein­ar Þor­steins­son: Humm.