Hagvöxtur byggist á sandi

Tryggvi Þór Herbertsson, þingmaður Sjálfstæðisflokksins, sagði á Alþingi í dag að sá mikli hagvöxtur, sem kom fram í nýrri mælingu Hagstofunnar í dag, byggðist á sandi.

Spurði hann Jóhönnu Sigurðardóttur forsætisráðherra hvort hún hefði ekki áhyggjur af því að hagvöxtur hér á landi byggðist á hverfulli froðu.

Jóhanna sagði að Tryggvi Þór nöldraði í ræðustólnum yfir hlutunum en gleddist ekki yfir því að hagvöxtur hér á landi væri nú einn sá mesti í heimi eða 3,7% milli ára. Hagvöxturinn væri ekki aðeins neysludrifinn heldur byggðist einnig á auknum útflutningi.

„Ég ætla að leyfa mér að vera svo bjartsýn, að halda því fram að við munum ná þeim hagvexti sem kjarasamningarnir byggjast á,“ sagði Jóhanna.

• 1 blogg um fréttina

Bloggað um fréttina

• Ásgrímur Hartmannsson: Nær ekki eini sinni verðbólgu