Líkamsárás til rannsóknar

Lögreglan á höfuðborgarsvæðinu rannsakar nú árás sem var framin í íbúð við Skúlagötu í Reykjavík í nótt. Maður sem býr í íbúðinni var fluttur á slysadeild með mikla áverka á öðrum handlegg.

Maðurinn, sem er á sextugsaldri, heldur því fram að tveir menn hafi brotið sér leið inn í íbúðina í gegnum svalahurð og ráðist til atlögu með hnífi. Hann gat hins vegar ekki gefið nánari lýsingu á mönnunum að sögn lögreglu.

Í framhaldinu bankaði hann upp á hjá nágranna sínum sem lét lögreglu vita á fjórða tímanum í nótt.

Lögregla segir að maðurinn hafi verið illa leikinn en ekki í lífshættu og hefur hann gengist undir aðgerð á Landspítalanum. Tekinn verður skýrsla af honum síðar í dag vegna málsins.

Tæknideild lögreglunnar rannsakar nú vettvang

• 1 blogg um fréttina

Bloggað um fréttina

• Haraldur Haraldsson: Líkamsárás til rannsóknar/ þetta er að versna aftur engin að …