Leið illa í Framsókn

Þingmaðurinn Guðmundur Steingrímsson, sem vinnur að stofnun nýs stjórnmálaflokks með Besta flokknum og fleiri aðilum, segir að sér hafi liðið illa í Framsóknarflokknum.

„Mér leið illa í Framsóknarflokknum,“ sagði Guðmundur, sem var gestur ásamt Heiðu Kristínu Helgadóttur, í þættinum Silfur Egils, sem sýndur var í Ríkissjónvarpinu í dag.

Spurður hvort hann hefði upplifað foringjaræði í flokknum sagði Guðmundur: „Ég upplifði mjög slæman kúltúr já, í Framsóknarflokknum. Margt af því sem ég upplifði þar er núna veganesti fyrir mann, þegar maður segir að það þurfi að, og það sé hægt, að búa til stjórnmálaflokk sem einkennist af betri kúltúr. Og fólki líður betur í,“ sagði Guðmundur.

• 3 blogg um fréttina

Bloggað um fréttina

• Guðrún María Óskarsdóttir.: Mér líður vel í Framsóknarflokknum.
• Jóhann Elíasson: ÞEGAR HONUM VARÐ ÞAÐ LJÓST...................................
• Guðni Karl Harðarson: >Guð hjálpi Íslandi