Hundur ók aftan á bíl í Eyjum

Hundur ók aftan á kyrrstæðan bíl við verslunina Vöruval í Vestmannaeyjum í dag. Eigandi bílsins hafði skilið hundinn eftir í sjálfskiptum bílnum sem var í gangi og virðist hundurinn hafa sett hann í gír með þeim afleiðingum að hann ók á bílinn fyrir framan. Eyjafréttir segja frá þessu á vefsíðu sinni.

Minniháttar skemmdir urðu á bílunum að sögn lögreglu sem segir málið að mestu upplýst en að ökuþórinn verði tekinn til yfirheyrslu við fyrsta tækifæri.

Frétt á vef Eyjafrétta.

• 2 blogg um fréttina

Bloggað um fréttina

• Höskuldur Búi Jónsson: Undrahundur
• Sigurður Jónsson: Eyjahundar eru sérstakir eins og mannfólkið þar.