Kínaforseti fagnar Íslandstengslum
Setja bókamerki
Hu Jintao Kínaforseti og Ólafur Ragnar Grímsson, forseti Íslands, skiptust á þakkarbréfum í tilefni þess að fjörutíu ár eru liðin síðan fjölmennasta ríki heims og eitt hið fámennasta tóku upp diplómatísk samskipti.
Greint er frá bréfaskriftunum á vef China Daily, málgagns kínverska kommúnistaflokksins.
En í þessu samhengi má rifja upp þau ummæli Ólafs Ragnars í samtali við kanadíska sjónvarpsstöð fyrr í mánuðinum að Kínverjar hafi verið reiðubúnir til samstarfs þegar Ísland eingangraðist á alþjóðavettvangi í Icesave-deilunni.
Á vef kínverska blaðsins er haft eftir Hu forseta að á síðustu árum hafi ríkin tvö náð jákvæðum árangri í viðræðum á sviði efnahagsmála og verslunar, fiskveiða, menningar, menntunar, ferðaþjónustu og þróun tækni til beislunar jarðhita.
Kínaforseti lýsir yfir vilja kínverskra stjórnvalda til að efla þessa samvinnu enn frekar svo „lyfta megi tvíhliða og vinsamlegri samvinnu í nýjar hæðir“ svo vitnað sé beint til endursagnar China Daily á ummælum Hu.
Samstarf á jafningjagrundvelli
Jafnframt er vitnað til Ólafs Ragnars um að ríkin tvö komi fram við hvort annað á jafningjagrundvelli og að samvinnan sé orðin fyrirmynd milliríkjasamskipta.
Loks má nefna að Yang Jiechi, utanríkisráðherra Kína, og Össur Skarphéðinsson utanríkisráðherra skiptust á heillaóskum í tilefni áfangans.
„Tímabil aukinnar eldvirkni“
Fyrsti blaðamannafundurinn í heild sinni
Bjarni: „Útilokað að þetta geti gengið upp“
Funda með þingflokkum
„Börn heima sem maður myndi vilja hafa í skjóli“
Víkingar komnir yfir 800 milljónir í greiðslur
