Reykjavíkurborg styrkir Samtökin '78

Reykjavíkurborg og Samtökin '78 hafa undirritað samstarfssamning til þriggja ára og tekur hann gildi 1. janúar 2012. Með samningnum skuldbinda Samtökin '78 sig til þjónustu við hinsegin fólk í Reykjavík ásamt fræðslu í skólum og til fagstétta borgarinnar.  

Fram kemur á vef Reykjavíkurborgar að styrkurinn nemi 2,5 milljónum króna á ári samningstímann á enda.

Markmið fræðslunnar sé að upplýsa hvað í því felist að vera samkynhneigð, tvíkynhneigð eða transgender manneskja og hvernig beri að nálgast þennan þátt lífsins á ábyrgan hátt.  

Haft er eftir Árna Grétari Jóhannssyni, framkvæmdastjóri Samtakanna '78, að samningurinn sé fagnaðarefni. Fjárhæðin komi til með að tryggja og efla starfsemi Samtakanna næstu árin.

• Blogga um frétt