Borgaraleg handtaka á Hringbraut

Nokkrir borgarar gerðu borgaralega handtöku á mótum Hofsvallagötu og Hringbrautar síðdegis í Reykjavík í dag þegar ölvaður maður ók bíl sínum á annan bíl og skemmdi. Viðstaddir borgarar héldu manninum föngnum þar til lögreglan á höfuðborgarsvæðinu tók hann höndum.

Maðurinn er hálfsextugur. Hann er nú í haldi lögreglunnar.

Málið er óvenjulegt enda ekki á hverjum degi sem almennir borgarar skerast í leikinn með þessum hætti.

Lögreglan segir augljóst að margir séu taugaspenntir í umferðinni og hvetur því ökumenn til að sýna fyllstu varúð í jólaösinni.

• 1 blogg um fréttina

Bloggað um fréttina

• Heimir Lárusson Fjeldsted: Vel gert