Kvótafrumvarpið eins og bílsys

Össur Skarphéðinsson utanríkisráðherra sagði í Kastljósi í kvöld að líkja mætti stóra kvótafrumvarpinu, sem lagt var fram í vor, við bílslys. Frumvarpið hefði ekki verið boðlegt. Hann hefur trú á að ríkisstjórnin geti náð fram breytingum á lögum um stjórn fiskveiða.

„Ríkisstjórninni mun aldrei takast að koma sama máli í gegn og lagt var fram á síðasta þingi. Það var eins og bílslys. Menn rákust bara á vegg. Það var bent á svo marga galla í því frumvarpi. Menn læra af reynslunni og læra af því hvernig til tókst þar,“ sagði Össur í viðtali í Kastljósi í kvöld.

Össur var spurður hvort það væri boðlegt að leggja fram frumvarp og líða á eftir eins og maður hefði lent í bílslysi. „Mér finnst það nú ekki boðlegt, enda lagði ég það ekki fram.“

Össur sagði að til þess að ná fram breytingum á lögunum þyrftu allir að gefa eftir. Samfylkingin þyrfti að gefa eftir og það þyrftu útvegsmenn líka að gera.

• 8 blogg um fréttina

Bloggað um fréttina

• Kristinn Karl Brynjarsson: Samstarf stjórnarflokkanna ávísun á stórslys?
• Ólafur Ragnarsson: "ratast kjöftugum"
• Þorsteinn H. Gunnarsson: Jón Bjarnason með 35,7 % fylgi
• Arnar Bergur Guðjónsson: Össur lítur út eins og......
• Ólafur Örn Jónsson: Fiskveiðistjórn gengur út á að styrkja stofna og auka afrakstur
• Hecademus: Jákvæður Össur
• Axel Jóhann Axelsson: Stórslösuð ríkisstjórn
• Guðrún María Óskarsdóttir.: Hann lagði ekki frumvarpið fram.