Margir teyguðu ferska loftið á jóladag

Ekki lágu allir uppi í sófa í dag með tærnar upp í loft heldur voru ýmsir á ferðinni, enda viðraði að mestu vel til útivistar á höfuðborgarsvæðinu þótt vindurinn tæki sig öðru hverju upp.

Sumir brugðu sér út að moka snjó, aðrir fóru með jólapappírinn í endurvinnslugám. Nokkrir drifu sig meira að segja út að hlaupa, kannski til að bæta upp fyrir allt jólaátið, en kannski bara til að espa upp hungrið fyrir næstu veislu.

Ljósmyndari Morgunblaðsins var á ferð og fangaði mannlífið á jóladag.