Neyðarúthlutun hjá Fjölskylduhjálpinni

Fjölskylduhjálp Íslands verður með neyðarúthlutun á morgun á milli kl. 14 til 17 í húsnæði samtakanna í Eskihlíð í Reykjavík.

Fram kemur í tilkynningu að búið hafi verið að ákveða að hafa lokað á milli jóla og nýárs. Fjölmargir hafi hins vegar hringt í samtökin og óskað eftir mataraðstoð. Samtökin segja að neyðin sé mjög mikil.

Þá segir að fatamarkaðurinn verði einnig opinn. Búið er að ræsa út alla sjálfboðaliða fyrir morgundaginn.

• Blogga um frétt