Engar pólitískar hreinsanir

Þingflokksfundur Samfylkingarinnar er nú við það að hefjast á Hótel Nordica. Fundarefnið er aðeins eitt; breytingar á ríkisstjórn. „Þetta eru engar pólitískar hreinsanir,“ sagði Jóhanna Sigurðardóttir, forsætisráðherra og formaður Samfylkingarinnar, fyrir fundinn.

„Ég á bara von á einhverjum breytingum,“sagði Lúðvík Geirsson, þingmaður Samfylkingarinnar, þegar hann gekk inn á fundinn. „Maður veit auðvitað eitt og annað. En ekkert endanlegt. Nokkurn veginn það sama og ég hef lesið í blöðunum.“

Spurður að því hvernig honum litist á það sem hann hefði lesið í blöðunum sagði Lúðvík að alltaf mætti eiga von á einhverju nýju í stjórnmálum og sagðist ekki telja að verið væri að taka óþarfa áhættu með þessum breytingum. „Ég held að það sé bara eitt af því sem stjórnmál snúast um.“

Frá fundi Samfylkingarinnar mbl.is/Árni Sæberg

• 1 blogg um fréttina

Bloggað um fréttina

• Sigurður Haraldsson: Fær last ársins.