Steingrímur verði atvinnuvegaráðherra

Steingrímur J. Sigfússon vill að sögn fréttastofu Bylgjunnar taka við nýju atvinnumálaráðuneyti og að fjármálaráðuneytið færist til Samfylkingarinnar.

Fram kom að vilji forustumanna ríkisstjórnarinnar sé að sameina sjávarútvegs- og landbúnaðarráðuneyti og efnahags- og viðskiptaráðuneyti og færa þangað verkefni úr iðnaðarráðuneyti. Einnig verði verkefni færð frá iðnaðarráðuneyti til umhverfisráðuneytis sem verði umhverfis- og auðlindaráðuneyti.

Gert er ráð fyrir að Jón Bjarnason, landbúnaðar- og sjávarútvgsráðherra, og Árni Páll Árnason, efnahags- og viðskiptaráðherra, hætti sem ráðherrar en verkefni ráðuneyta þeirra verði færð tímabundið til annarra ráðherra. Sérstök ráðherranefnd verður stofnuð til að fjalla um breytingar á stjórnarráðinu.

Þingflokkar ríkisstjórnarinnar hafa verið boðaðir til fundar í kvöld til að fjalla um breytingarnar á ríkisstjórninni. Hefðbundinn ríkisráðsfundur hefur verið boðaður á Bessastöðum klukkan 9:30 í fyrramálið.

• 1 blogg um fréttina

Bloggað um fréttina

• Óðinn Þórisson: " You ain't seen nothing yet "