Þjófar tilkynntu innbrot

Tveir karlmenn voru handteknir í austurborg Reykjavíkur í nótt eftir að þeir höfðu hringt í lögreglu og tilkynnt innbrot.

Að sögn lögreglunnar á höfuðborgarsvæðinu urðu mennirnir margsaga þegar rætt var við þá á vettvangi og einnig hefði ýmislegt í fari þeirra gefið sterklega til kynna að þeir hefðu komið við sögu í öðru innbroti, sem lögreglan hafði nýhafið rannsókn á. Það var framið skömmu áður á svipuðum slóðum.

Þá fundust munir í fórum mannanna sem þeir gátu ekki gert grein fyrir. Mennirnir hafa áður komið við sögu hjá lögreglu.

• 1 blogg um fréttina

Bloggað um fréttina

• Bergljót Gunnarsdóttir: Gáfur eru gull