Ríkið ekki staðið við sitt

Formenn aðildarfélaga ASÍ munu funda á fimmtudag til að fara yfir stöðu kjarasamninga. Gylfi Arnbjörnsson, forseti ASÍ, segir að ýmislegt þurfi að laga. Atvinnurekendur hafi í flestum tilfellum staðið við sitt en aðra sögu sé að segja af ríkinu.

Endurskoðun kjarasamninga á að ljúka 20. janúar. Ákveðinn fyrirvari er á samningnum sem tengist stjórnvaldsaðgerðum og lagabreytingum. Ef þær forsendur sem snúa að stjórnvöldum standast ekki gildir samningurinn til 1. febrúar 2012 en þá eiga laun almennt að hækka um 3,5%.

Í samtali við Morgunblaðið sagði Gylfi að fara þyrfti yfir ýmislegt sem lýtur að efndum á yfirlýsingum ríkisstjórnarinnar, s.s. í fjárlögunum, um hækkun bóta, almannatrygginga og atvinnuleysisbóta. Þá hefði ASÍ talið sig hafa fengið fyrirheit um jöfnun lífeyrisréttinda en það hefði ekki gengið eftir.

Nánar er rætt við Gylfa í Morgunblaðinu á morgun.

• 6 blogg um fréttina

Bloggað um fréttina

• Marteinn Unnar Heiðarsson: Gylfi Arnbjörnsson ESB dindill ríkisstjórnar Jóhönnu Sigurðardóttir að tjá sig
• Örn Ingólfsson: BLABLABLA
• Bergþór Heimir Þórðarson: Það er vonandi að samningurinn haldi sér
• Sigurður Haraldsson: Gömlu mennirnir!
• Guðni Karl Harðarson: Það þarf fyrst þá að laga
• Guðrún María Óskarsdóttir.: Verkalýðshreyfing þessa lands verði án pólítískra hagsmunatengsla í forystu félaga.