Mikil hláka í fyrramálið

Gert er ráð fyrir mikilli hláku suðvestanlands í nótt og næstu daga en á mánudag mun sennilega kólna á ný, varað er við mikilli hálku meðan klakinn er að bráðna. „Hérna
suðvestanlands eru að ganga skil yfir í nótt og snjóar sjálfsagt eitthvað til að byrja með,“ sagði Elín Björk Jónasdóttir, veðurfræðingur á Veðurstofu Íslands.

„Það er hvöss suðaustanátt með þessu, líklega 15-20 metrar á sekúndu og gæti alveg farið yfir 20 metra við suðurströndina í nótt. Í fyrramálið gengur þetta yfir landið og það verður hláka á láglendi víðast hvar í fyrramálið.“ 

Elín Björk sagði að því mætti búast við flughálku á Norður- og Austurlandi þar sem miklir klakabunkar væru á vegum. En í kjölfar skilanna myndi hann ganga í suðvestanátt og
skúraveður suðvestanlands fyrir hádegið. „Snjórinn og klakinn ættu að bráðna nokkuð en hitinn fyrir norðan verður meira í kringum frostmark og hlákan nær ekki þangað að ráði núna.“

Mjög hált getur orðið þegar klakinn fer að bráðna.

• 1 blogg um fréttina

Bloggað um fréttina

• Haraldur Haraldsson: Mikil hláka í fyrramálið//í öllum bænum, frarið þið varlega,það verður …