Lárus Welding, fyrrverandi bankastjóri Glitnis, og Guðmundur Hjaltason, fyrrverandi framkvæmdastjóri fyrirtækjasviðs Glitnis, neita báðir sök, samkvæmt yfirlýsingu sem verjendur þeirra lögðu fram í Héraðsdómi Reykjavíkur við þingfestingu málsins, rétt í þessu. Hvorugur sakborninganna var viðstaddur.

Lárus Welding, fyrrverandi bankastjóri Glitnis, og Guðmundur Hjaltason, fyrrverandi framkvæmdastjóri fyrirtækjasviðs Glitnis, eru ákærðir fyrir umboðssvik með því að hafa, 8. febrúar 2008, stefnt fé Glitnis í stórfellda hættu með því að lána Milestone 10 milljarða, án trygginga og ábyrgða. Lánið var aldrei endurheimt og í ákæru sérstaks saksóknara segir að lánveitingin hafi átt þátt í falli Glitnis haustið 2008.

Verjandi Guðmundar hafði óskað eftir afritum af úrskurðum um leyfi til hlerana á síma Guðmundar en Hólmsteinn Gauti Sigurðsson saksóknari sagði að engir slíkir úrskurðir hefðu verið kveðnir upp.

Tengdar fréttir

Glitnismenn fyrir dóm

Aftur 5 ára dómur í Stím-máli

• Dómur í sama máli sama dag 2 árum síðar
• Sér eftir að hafa tekið að sér starfið
• Allir ákærðu í Stím-málinu í dómsal
• Dómstjóri má dæma í Stím-málinu

» Fleiri tengdar fréttir

• 1 blogg um fréttina

Bloggað um fréttina

• Sigurður Haraldsson: Hvað gerir þessa menn svona sérstaka?