Ók ölvaður á annan bíl

Lögreglan á höfuðborgarsvæðinu fékk tilkynningu um ölvun við akstur á Hverfisgötu í Reykjavík á fjórða tímanum í nótt. Hafði maður ekið utan í annan bíl og síðan á brott.

Lögreglan fann manninn skömmu síðar og stöðvaði hann. Var hann sviptur ökuréttindum til bráðabirgða.

Annar maður var stöðvaður, grunaður um ölvun við akstur, í austurbæ Reykjavíkur á níunda tímanum í gærkvöldi. Reyndist maðurinn vera ökuréttindalaus en hann hafði misst þau fyrir samskonar brot.

Tilkynnt var um eld í bíl í Hlíðahverfi á þriðja tímanum í nótt. Var slökkviliðsbíll sendur á vettvang.  

• 1 blogg um fréttina

Bloggað um fréttina

• Haraldur Haraldsson: Ók ölvaður á annan bíl/// eftir einn ey aki neinn!!!það …