„Ekki á mína ábyrgð“
Setja bókamerki
Ölgerðin fer fram á leiðréttingu frá Þóru Arnórsdóttur, fréttamanni RÚV, vegna viðtals sem tekið var við hana um sölu iðnaðarsalts til matvælaframleiðslu og birtist á vefmiðlinum PRI The World. Í fréttinni er talað um „Road salt“, eða salt til að bera á vegi. Þóra segist ekki hafa farið rangt með staðreyndir og segist ekki bera ábyrgð á orðalagi þess sem skrifaði fréttina.
Í tilkynningu frá Ölgerðinni, sem flytur inn iðnaðarsaltið, er spurt hvort Íslendingar séu sáttir við að víðlesinn fréttamiðill segi þá hafa borðað götusalt í áraraðir.
Í fréttinni segir meðal annars: „It seems Icelanders have been seasoning their food with industrial, or road, salt for 13 years without realizing it.“
„Ég sagði ekki orð sem var vitlaust að nokkru leyti, þetta var allt saman kórrétt,“ segir Þóra. „Það getur ekki verið á mína ábyrgð hvernig erlendir fréttamenn kynna sínar fréttir. Ég get ekki leiðrétt annarra manna fréttir,“ segir Þóra og segir þá gagnrýni Ölgerðarinnar sem beinist að henni, ekki réttmæta.
Úlfar: Heppileg tímasetning á gosinu
Spara stórfé með olíukaupum ytra
Erlendir miðlar greina frá tíunda gosinu
Einar skorar á næstu ríkisstjórn
Tekist á um áður óþekkta skýrslu landlæknis
Hvað gerðist eiginlega í VMA?
Sáu eldgosið brjótast út frá Snæfellsnesi
Heitt vatn fannst sem gæti annað 10 þúsund manns