Ríkisstjórnin ekki í hættu
Setja bókamerki
Össur Skarphéðinsson utanríkisráðherra telur ekki hættu á því að ríkisstjórnin falli vegna atkvæðagreiðslunnar sem var í gær um frávísunartillögu gegn tillögu Bjarna Benediktssonar, formans Sjálfstæðisflokksins, um að draga til baka ákæru Alþingis á Geir H. Haarde. En frávísunartillagan var felld með 31 atkvæði gegn 29 og verður tillaga Bjarna því tekin fyrir.
„Ég tel fráleitt að þetta hafi áhrif á stjórnarsamstarfið. Það voru menn beggja skoðana í stjórnarflokknum og í mínu tilviki var ég samkvæmur sjálfum mér í þessu máli og svo var um marga aðra, bæði stjórnar- og stjórnarandstöðuþingmenn,“ segir Össur.
Varðandi tillögu Bjarna segist Össur ætla að vera samkvæmur sjálfum sér en hann studdi ekki ákvörðun Alþingis að leggja fram ákæru á hendur Geir H. Haarde né öðrum fyrrverandi ráðherrum árið 2010.
„Það kemur alltaf titringur af alls konar tilefni í stjórnmálum en það sem mér þykir mikilvægt er að vera samkvæmur sjálfum sér og það var ég og ætla að vera í þessu máli.“
Viðreisn krefst aðildarviðræðna við ESB
Ingibjörg skiptir um skoðun á ummælum Þórðar
Umræðan var óþægileg fyrir Þórð og flokkinn allan
Skrifaði fyrstu fréttina af hvarfi Geirfinns
„Mér var haldið sofandi í níu sólarhringa“
Allt frá nokkrum tímum upp í viku í nýrri miðstöð
„Þetta er algerlega hans ákvörðun“
Síminn stoppar ekki hjá Árekstur.is