Tæp 15.000 skorað á forsetann

Enn fjölgar undirskrifum á vefsíðunni Áskorun til forseta þar sem skorað er á Ólaf Ragnar Grímsson, forseta Íslands, að gefa áfram kost á sér til embættis forseta Íslands í komandi forsetakosningum.

Aðstandendur síðunnar vonast eftir 30-40.000 undirskrifum en þegar frétt þessi er rituð hafa 14.660 manns skorað á forsetann.

Meðal þeirra sem skora á Ólaf Ragnar eru Guðni Ágústsson, fyrrverandi ráðherra, Baldur Óskarsson, fyrrverandi framhaldsskólakennari, Ragnar Arnalds, fyrrverandi ráðherra, og Ásgerður Flosadóttir, framkvæmdastjóri Fjölskylduhjálpar Íslands.

• 1 blogg um fréttina

Bloggað um fréttina

• Þorsteinn H. Gunnarsson: Þjófstart í forsetakosningum