Vill vantraust á Ástu Ragnheiði
Setja bókamerki
Birgitta Jónsdóttir, þingmaður Hreyfingarinnar, sagðist í sjónvarpsþættinum Silfri Egils í dag vera með undirskriftalista í gangi á Alþingi um að lýst verði vantrausti á Ástu Ragnheiði Jóhannesdóttur, forseta Alþingis.
Sagði Birgitta að ástæðan væri m.a. sú, að Ásta Ragnheiður samþykkti að taka á dagskrá þingsins þingsályktunartillögu Bjarna Benediktssonar, formanns Sjálfstæðisflokksins, um að afturkalla ákæru á hendur Geir H. Haarde, fyrrverandi forsætisráðherra.
Ragnheiður Elín Árnadóttir, þingflokks Sjálfstæðisflokksins, sagði í þættinum að hennar nafn yrði ekki á þessum undirskriftalista. Ásta Ragnheiður hefði sýnt það og sannað, að hún gætti að virðingu Alþingis. Hefði Ásta Ragnheiður m.a. aflað lögfræðiálits þar sem niðurstaðan væri að tillaga Bjarna væri þingtæk og hefði því ekki getað annað en sett málið á dagskrá.
Þráinn Bertelsson, þingmaður VG, sagðist hins vegar telja að forseti Alþingis hefði gerst í meira lagi brotlegur í starfi með því að taka á dagskrá þingsins tillögu, sem ekki heyrði undir vald þingsins.
Á algjöru frumstigi eftir þrjár vikur af verkfalli
Heitt vatn fannst sem gæti annað 10 þúsund manns
Átti ekki að láta pirring bitna á sjúklingi
Erlendir miðlar greina frá tíunda gosinu
Hvað gerðist eiginlega í VMA?
/frimg/1/53/5/1530526.jpg)
Yfirvöld láta ekkert uppi: Sænsk herskip kölluð út
Bergur er fallinn