Norðurljósasýning fyrir vestan

Norðurljósin hafa verið vel sýnileg víða um land síðustu daga og þannig var á norðanverðum Vestfjörðum í kvöld, þegar ljósmyndari Bæjarins besta, Sigurjón J. Sigurðsson, for á stjá og náði þessum einstöku myndum.

Að sögn Sigurjóns varaði sýningin ekki lengi, en þó nógu lengi til að honum tókst að festa ljósin á filmu, bæði yfir Ísafirði og Hnífsdal, og á leiðinni inn í Tungudal og Dagverðardal.

Á Stjörnufræðivefnum getur að líta vefslóð á kort sem sýnir virkni norðurljósa á norðurhveli jarðar. Samkvæmt kortinu er virknin töluverð nú um stundir.

Séð út Skutulsfjörðinn og yfir Ísafjarðarbæ voru norðurljósin einnig tilkomumikil í kvöld. mbl.is/Sigurjón J. Sigurðsson

• 2 blogg um fréttina

Bloggað um fréttina

• Hallgrímur P Helgason: Tók þessa rétt sunnan við Hafnarfjörð á sunnudagsnótt.
• Arnar Bergur Guðjónsson: Ég náði þessari ásamt tugum fleirum s.l. sunnudag.