N1 hækkar verð á bensíni

Verð á bensíni hjá N1 hækkaði í dag um fjórar krónur eða úr 242,7 krónum yfir í 246,7 krónur fyrir hvern lítra.

„Helstu ástæður hækkunarinnar eru 6% hækkun á heimsmarkaðverði á bensíni, gengishækkanir á Bandaríkjadollar gagnvart krónu og aukin skattlagning,“ segir Eggert Þór Kristófersson, framkvæmdastjóri fjármálasviðs N1.

Að sögn Eggerts hefur heimsmarkaðsverð á bensíni hækkað úr 976 bandaríkjadollurum á tonnið yfir í 1.035 dollara frá 3. janúar síðastliðnum. „Ef við skoðum allt árið 2011, þá var meðalverð á bensíni yfir allt árið 987 dollarar á tonnið,“ segir Eggert.

Rétt er að taka það fram að verð á dísilolíu hjá N1 hefur ekki hækkað.

Samkvæmt upplýsingum frá vefsíðunni GSMbensín hafa önnur olíufélög ekki hækkað verð á bensíni.

• 4 blogg um fréttina

Bloggað um fréttina

• Njörður Helgason: Hvað er til ráða?
• Sigurður Haraldsson: Þau þunu hækka!
• Gunnar Heiðarsson: Prettir og svik
• Sigríður Laufey Einarsdóttir: Breytingar á neysluvísitölunni - strax!